عاشقی از مرز مهریانی

استاد یحیی شیدا،‌ عصر پنجشنبه در منزل شخصی خود واقع در خیابان طالقانی تبریز دار فانی را وداع گفت. استاد شیدا به عنوان یكی از ذخایر معنوی و فرهنگی آذربایجان شرقی و كشور به شمار می آمد و بازمانده نسل شعرای همدوره استاد شهریار بود.

آی خسته قوش آواره گزیرسن بو دیاری

زنداندی قفسدی چمنی باغی باهاری

گوزله اوزوی آوچی دیر هریانی بویوردون

قوزغون كیمی دوردگوزلوگزیركورپه شكاری

فرصت دالیسیجا گزیری ال یئری تاپسا

ویران قویاجاق یوردونو آی كوینگی ساری

تیك اوز یووانی قویما سنه ال تاپا اووچی

سن بو یووانین صاحبی سن قان یئنه باری

جهد ایله كی جان قورتاراسان اووچی الیندن

دوشسن تورا فریاد ائله مه چك بو فشاری

گولشنده كی یوخ ذوق و صفا آی ساری كوینك

قاچ قاچ بو یئرین زهریلیدیر داری نداری

دیلله نسن اگر اووچی ائدر قانینا قلتان

اوچسان آ یازیق تیر جفا قلبینی یاری

مین فیرتینا قالخیب دویه جك باشینا طوفان

هر كیمده اولا داغ كیمی دونیادا وقاری

گلسه باشیوا درد و بلا داغ كیمی دور باخ

آیدیندی بو سوز توستو گئده ر گویچگه ساری

ایستر سنی صیاد اوزونه رام ائده اما

ایغو دو گوره ر آج تویوغ البته كی داری

بو یاخشی مثل دیر كی بیزم ائلده دئمیشلر

بیر باخ آشاغی باخما اوزوندن ده یوخاری

غم غصه كیچیك قلبینی كر دویسه سیخیلما

بو گوند ه كئچر آخیری غملر ده قوتاری

اوندا كی چیخار گون یاییلار عالمه بیردن

اوندا كی قارا دان یئری صبح اولجاق آغاری

داغی داشینی آسوده خیالیله گزه رسن

گولشنده نه شاختا گوره سن داغدا نه قاری

ظولمون ائوی ویران اول و ظالیم دوشر الدن

قان دورماز اگر كسه پیچاق قیرسا داماری

بختین قاپیسی ایندی قیفیللانسا داریخما

هر بیر قیفیلین واردی طبیعت ده آچاری

اوز جانیویلن اوناما بو عرصه ده شیدا

لیلاج دغل بازیله قیزدیرما قوماری